Stedjevegen Næringsområde
Tiltakshavar : Einarsen Eigedom AS
Adresse : Stedjevegen 37, Sogndal
Type bygg : Bustad/ forretning/ kontor
Areal : ca 20.000 m2 inkl eksisterande
Status : Områdeplan/ detaljreguleringsplan godkjent 2017.
Sjøkanten og Stedjevegen Næringsområde - tilsaman Sjøkanten Handelspark - er under utvikling og blir etter utbygging eit miljømessig og berekraftig sentrumsområde. Sogndal sentrum har fleire plassar som kan og bør fortettast med leilegheiter, kontorarbeidsplassar og forretningsareal som naturleg høyrer heime i eit kompakt regionsenter. Sjøkanten Handelspark blir eit supplement til Sogningen butikksenter, og med ei, forhåpentlegvis snart, ny gangbru over elva vil også "gamle sentrum" kunne bli revitalisert.
Prosjektet er tenkt realisert i fleire byggetrinn. Shell-bygget tenkt rive, og i første etasje er det m.a. planlagt ny Shell-stasjon, ny REMA 1000 butikk og overdekka p-plass. I andre etasje er det planlagt café, kontor og diverse store kjende kjedebutikkar. I etasjane over er det planlagt kontorarbeidsplassar og leilegheiter med fin fjordutsikt og gjennomgåande dagslys. På taket over forretningsareala, tilbaketrekt frå trafikken, er det planlagt moderne "townhouse" med gode solforhold og felles leike- og grøntareal. På Sjøkanten er butikkareala i andre etasje gjort meir attraktivt, og fasaden på sjøsida blir forbetra med nye spennande leilegheiter med mesaninetasje og takterrasse.
Plan 1-7
